موجة البرد التي تجتاح مصر .

في اطار موجة البرد والامطار التي تجتاح مصر تلك الايام , انتشرت العديد من التعليقات الساخرة علي الانترنت ومواقع التواصل الاجتماعي وربطها بالمواقف والظروف التي تمر بها مصر في عام الثورة,

بعض التعليقات:

- عيش...حريه...دفايه كهربائيه

- عاوز اوصل رسالة لقطاع الامن المركزى
عاوز تضرب غاز يوم 25 اضرب ،
خرطوش مفيش مشكلة ،
مطاطى اخدنا عليه
انما خراطيم مياه في السقعة دي ، يبقى هنتغابى عليكم بجد

- فى ظل الظروف الساقعه التى تمر بها البلاد, قرّر نسر العلم تخلّيه عن منصبه في وسط العلم، وكلّف طائر البطريق بإدارة شئون العلم , والله الموفق والمستعان



- بعد هذا البرد القارس الذى تمر به البلاد , تصريحات المشاهير :

الليبراليين : من حق المصريين انهم يحسوا بجو ساقع زي اوروبا وده اللى بنحاول نعمله

العلمانيين : يجب فصل الجو عن الساقعه

خبير استراتيجى : الصيف هيجي فى معاده

العيسوى : من قال اننا استخدمنا الماء من الاساس ! ليس لدينا خراطيم !!

طنطاوي : انا حزين على الناس اللى سقعانة

مبارك من طره : انا او الساقعه

عمرو مصطفى : البرد دا فوتوشوب ))

توفيق عكاشه: اول يوم صيف هيكون يوم 13/13/2013 انا بقول اهو !



- حركة 6 ابريل تنفى مسئوليتها عن موجة البرد والصقيع التى تنتشر فى مصر حاليا

- من انجازات الثورة النهاردة مطرت تلج .. وبقى عندنا جليد زي الدول المتقدمة )"

- شباب الثورة يلتف حول البطل احمد (حراره) فى الميدان

- انتو بتوع اجندات ماعرفتوش تحرقو البلد بتجمدوهاااااااا؟؟

- حاجة غريبة فعلا اللى بيشتكى من البرد هو انت اية اصلا اللى جابك فى الشتا ولية لابس عباية بكباسين ... اه يا واد يا مؤمن

- يعني نولع فى البلد مش عاجبكوا نتلجهالكوا مش عاجبكوا عايزين اه تاني حرام عليكوا خربتوا البلد